АҚШнинг биринчи даражали раҳбарлари хавфсизлиги учун масъул бўлган махфий хизмати миллиардер Дональд Трамп собик бош хизматчиси томонидан президент Барак Обамага таҳдидлар уюштирилгани хусусидаги хабарларни ўрганиб чиқади. 

Ассошиэйтед Пресс агентлиги хабарларига кўра,  Энтони Сенекаль (Anthony Senecal) АҚШ президентлигига республикачилар партиясидан эҳтимолий номзод Дональд Трампнинг Флоридадаги клубларидан бирида бош хизматчи бўлиб ишлаган. Аниқланишича,  Сенекаль бир неча маротаба Facebook ижтимоий тармоғида Обама ва унинг оиласига нисбатан ғарази борлигини билдирган. 

Хусусан, у 2015 йил сентябрида ҳарбийлар Обамани хоинлиги учун осишлари керак деган фикрларни изҳор қилган. Бошқа бир хабарида, президентни мусулмон дейиши учун ҳақоратли иборалардан фойдаланган. Бунда, Сенекаль доимо ўз фикрларини билдираётгани, Трамп номидан гапирмаётганини таъкидлаган.

Махфий хизмат вакиллари "ушбу воқеалардан хабардор эканини айтиб, зарурий суриштирув ишларини олиб бориши"ни маълум қилишган. 

Ўз навбатида, Трамп сайловолди штаби матбуот хизмати Сенекалнинг Обама ва унинг оиласига нисбатан таҳдидларини қоралаб, у миллиардерда узоқ вақтдан бери ишламаётганини қайд этган.

«Шунга қарамай, биз президент Обама ва унинг оиласига нисбатан бундай даҳшатли баёнотларни бутунлай қоралаймиз», — деб қайд этган миллиардер матбуот котиби Хоуп Хикс.

Трампнинг собиқ хизматкори Обамага ижтимоий тармоқда таҳдид қилди