SWIFT халқаро банк ҳисоблари тизими, Бангладеш марказий банкига уюштирилган хакерлик ҳужумига ўхшаш иккинчи йирик киберхуруж амалга оширилгани хақида баёнот берди. Ўшанда, Бангладеш банки ҳисобларидан 80 млн. доллар маблағ ўмарилган эди, деб ойдинлик киритмоқда РИА «Новости».

SWIFT таянаётган экспертлар фикрича, иккинчи киберҳужум шундан далолат берадики, Бангладеш бош молия муассасасида содир этилган ўғирлик, «алоҳида ҳодиса бўлмай, банкларга қарши кенг ва пухта ўйланган кампаниянинг бир қисмидир».

SWIFT’нинг маълумотларига кўра, иккинчи хуружнинг нишони сифатида тижорат банки танланган. Ҳозирча унинг номига ойдинлик киритилмаяпти. Тизим вакилининг айтишича, мазкур жиноятга банк ходимлари ҳам алоқадор бўлиши эҳтимол. 

Апрель ойи охирларида SWIFT халқаро банк ҳисоб-китоблари тизими бир неча маротаба хакерлар ҳужумларига учрагани хақида маълум қилинган эди.