“Биз буюк юрт фарзандларимиз” шиори остида ўтказилаётган ёшлар фестивалининг иккинчи куни бўлиб ўтди

Ўзбекистон 13 Май 2016 9067

Биз бугун Андижонда ўтказилган тадбирлар давомида ёшлар қалбида ўз Ватанига, Мустақиллик ғояларига содиқлик ва собитлик ҳиссини, тинч ва осуда юртда камол топаётганидан юраги ғурур ва ифтихорга тўла эканлигини яна бир бор кашф этдик.

Ўзбекистон Республикаси Давлат мустақиллигининг йигирма беш йиллиги муносабати билан мамлакатимиз миқёсида ташкил этилган шу номли ёшлар фестивалининг Андижон вилоятидаги иккинчи куни ҳам кўтаринки руҳда ўтганига гувоҳ бўлдик. Тарғибот гуруҳи вакиллари вилоятнинг Олтинкўл, Марҳамат, Асака, Булоқбоши, Ҳўжаобод, Избоскан ва Пахтаобод туманларига   ташриф буюрдилар. Бўлиб ўтган учрашув ва гала-концерт дастурлари давомида ёшлар билан турли лойиҳалар асосида суҳбатлар ўтказилди.

Ўзбекистонда хизмат кўрсатган маданият ходими Минхожиддин Мирзо, Ўзбекистонда хизмат кўрсатган артистлар Меҳмонали Салимов ва Малика Қаюмова, “Ниҳол” мукофоти совриндорлари Гўзал Жуманиёзова(Дилсўз), Отабек Муталхўжаевлардан иборат тарғибот гуруҳи  Олтинкўл туманида бўлди.       
17-сон мусиқа ва санъат мактабида “Ватаним – менинг фахрим ” лойиҳаси асосида ўтказилган тадбирда тарихи ва бугуни буюк бўлган юртда  ёш авлоднинг баркамол камол топиши учун яратилган барча шароитлар ҳақида сўз бориб, шоир ва журналист Минхожиддин Мирзонинг киндик қонимиз тўкилган  заминни улуғловчи шеърлари тингланди. Мусиқа ва санъат мактабининг иқтидорли ўқувчилари томонидан ижро этилган қўшиқ ва куйлар тарғибот гуруҳи вакилларида катта тассурот қолдиргани таҳсинга лойиқ.

Олтинкўл тумани марказидаги маданият уйида ташкиллаштирилган тадбир долзарб мавзулар  -  “Одам савдоси – давр муаммоси”, “Диний экстремизм ва терроризм – ёшлар келажагига таҳдид” лойиҳаларга бағишланди. Учрашувда юртимиз ёшларининг бугунги кунда барча соҳаларда қўлга киритиб келаётган улкан ютуқлари, шу билан бирга, ҳозирги мураккаб замонда ёшларимиз онгини миллий қадриятларимизга ёт бўлган зарарли ғоялар таъсиридан ҳимоя қилишга ҳар биримиз жиддий ёндошишимиз лозимлиги эътироф этилди. Эркин мунозара тарзида ўтган машваратда ёшлар ўзларини қизиқтирган саволларга жавоб топдилар. 

Олтинкўл Саноат касб-ҳунар коллежида тарғибот гуруҳини - кўзлари чақнаб турган ўқувчилар миллий либосларда, андижонча шўҳ рақслар билан кутиб олишди. Ўқув муасассасида ўтказилган лойиҳа мавзуси “Замонамиз қаҳрамонлари” бўлганлиги боис, мулоқот давомида туғилиб ўсган заминга садоқат руҳида тарбия топиб, унинг равнақи учун бор куч ғайратини сарфлаш ҳам қаҳрамонликнинг бир кўриниши эканлиги ҳақида гапирилди. “Ниҳол” мукофоти совриндорлари Отабек Муталхўжаев ва Дилсўз ижросидаги Ватанни мадҳ этувчи қўшиқлар даврага файз киритди.   

Тумандаги ёшлар фестивалнинг узвий якуни бўлган “Марказий” ўйингоҳдаги гала-концертда ўйингоҳга йиғилган 3000 нафарга яқин ёшлар меҳмонларни баралла - “Биз буюк юрт фарзандларимиз” дея кутиб олишди. Концерт дастури давомида эл суйган санъаткорлар Ўзбекистон халқ артисти Бахтиёр Ихтиёров, Ўзбекситонда хизмат қўрсатган артист Саида Раметова, хонандалари  Нилуфар Саидова, Севинч Мўминова, Дилсўз, Асилбек Неъматов, Масрур Усмонов, Отабек Муталхўжаев ва бошқа санъаткорларнинг чиқишлари йиғилганларга ажойиб кайфият тақдим этди.

Стадионни тўлдириб ўтирган олтинкўллик ёшлар улар билан биргаликда куйлаб, шўх оҳангларга рақсга тушдилар.   
Фестивал кунларида ўтган ҳар бир лаҳза мустақил диёримиз ёшлари қалбида бир умрга ёдда қолиши аниқ. 
Фурсатдан фойдаланиб, тарғибот гуруҳи сафида Андижонга ташриф буюрган санъаткорларни суҳбатга тортдик.

Гўзал Жуманиёзова (Дилсўз), “Ниҳол” мукофоти совриндори:

- Бугунги учрашувлар давомида олтинкўллик ёшларнинг эгаллаган билим ва салоҳиятини кўриб, тўғриси роса тўлқинланиб кетдим. Дарҳақиқат юртимизнинг мана шундай шижоатли ёшлари бор экан, мустақил диёримизнинг келажаги албатта буюкдир.

 

 

Муаллиф:  Элмурод ЭРМАТОВ, Андижон

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 49881 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 65968 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35390 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20254 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 76930 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60768 Жамият
103 ёшли комбожалик аёл АҚШ фуқаролигини қабул қилди
20:25 4 Жаҳон
Ҳабиб Нурмагомедов Мейвезер ва Макгрегор ўртасидаги жангга шарҳловчилик қилади
20:21 623 Спорт
Чадда Қатар элчихонаси ёпилиши эълон қилинди
20:15 115 Жаҳон
Валерий Тян «Ўзбекистон ҳаво йўллари» раҳбарлигидан кетди, унинг ўрнини Рўзиқулов эгаллади
Кўпроқ янгиликлар