16 майдан киритилиши тақиқланган Туркия мева ва сабзавотлари ўрни маҳаллий маҳсулотлар ҳамда МДҲ мамлакатларидан амалга оширилган импортлар орқали тўлдирилади. Бу ҳақда Россия Федерал антимонополия хизмати кимёвий саноат бошқармаси раиси Анна Мироченинко сўзларига таяниб Sputnik хабар қилди

12 май куни Россиянинг ветеринар ва санитар назорат бўйича Федерал хизмати ("Россельхознадзор") раҳбари Сергей Данкверт маҳкама душанбадан бошлаб Россияга Туркиядан фитосанитар талабларнинг тизимли бузилиши туфайли рухсат этилган маҳсулотлар рўйхатидаги барчаси – кабачки (қовоқнинг майда, узун тури), лимон ҳамда грейпфрутлар киритилишини тақиқлаш ниятида. Шу кундан латук ва “Айсберг” салат барги киритилиши ҳам ман этилади. Туркиянинг қатор мева ва сабзавотлари 1 январдаёқ олиб кирилиши тақиқланган эди.

Россия Федерациясига киритилиши ман этилган мева ва сабзавотларнинг ўрнини тўлдириш тўғрисидаги саволга жавоб берар экан Мирочиненко шундай деди: “Айни пайтда айрим маҳсулотлар ўрнини босиш учун чора-тадбирлар кўрилганини эътироф этиш лозим. Тақиқланган маҳсулотларнинг ўрнини тўлдириш борасида замонавий давлат сиёсати бир неча йўналишларда иш тутмоқда. Биринчидан, янги етказиб берувчилар изланмоқда, Ўзбекистон ҳамда бошқа МДҲ давлатлари билан фаол музокаралар олиб борилмоқда. Иккинчидан, ўзимизда мева ва сабзавотлар етиштиришни ривожлантириш”.