РФ Меҳнат вазирлиги Россияда электрон меҳнат дафтарчаларини йўлга қўйиш устида иш олиб бормоқда. "Комсомольская правда" хабар беради.

Бу янгилик кадрлар бўлимидаги ишларни осонлаштиради, қоғозбозликни қисқартиришга имкон яратади. Ходимлар тўғрисидаги барча шахсий маълумотлар пенсия жамғармасига электрон кўринишда юборилади. 

"Электрон меҳнат дафтарчаларини йўлга қўйиш масаласи ва умуман бу мавзу муҳокама қилинмоқда. Биз шу иш устида ишлаяпмиз ҳамда бу масалада нима қилиш мумкинлиги ҳақида бош қотиряпмиз", - деди Меҳнат вазири ўринбосари Любовь Ельцова.

Давлат думаси мажлисида у енгиллаштирилган тизимни 15 кишидан кам ишчиси бўлган микрокорхоналарда синаб кўришмоқчилигини айтди. Улардан қоғоз кўринишидаги меҳнат дафтарчаларини юритиш талаб қилинмайди.