АҚШ президенти лавозимига номзод Дональд Трампнинг собиқ хизматкори Энтони Сенекаль ўзининг фесйбукдаги саҳифасида АҚШ президенти Барак Обамага таҳдид қилди, деб хабар бермоқда CBS News.

Mother Jones маълумотларига кўра, Сенекаль Обама номига айтилган ҳақоратлар ва таҳдидлар бўлган изоҳларни ижтимоий тармоқда фақат дўстларигина кира оладиган қилиб қолдирган. Бироқ Mother Jones Сенекаль изоҳларининг оригинал скриншотини келтирган.

Таъкидланишича, Трамп қўлида 17 йил ишлаган Сенекаль аввал ҳам Обама ва унинг оиласи номига кўплаб иғволи изоҳлар ёзган. Мисол учун, у 2015 йилда ҳарбийларни АҚШ президентини давлатга хиёнати учун осишга чақирган. Яна бошқа бир хабарда у Обамани мусулмон деб атаб, бунинг учун ҳақоратомуз атама ишлатган.

Бу орада Трамп сайловолди штаби вакиллари Сенекалнинг изоҳларини қоралашди.