Туркия вазири ЕИ билан виза тизими бекор қилинишига умид қилмаётганини билдирди

Жаҳон 13 Май 2016 3972

Туркиянинг Европа Иттифоқи масалалари бўйича вазири Вулқон Бозқир ЕИ билан визаларни бекор қилиш бўйича ишнинг самарали ҳал бўлишидан умид қилмаётганини билдирди. Бу ҳақда у Брюсселда Европарламент ва Европа Иттифоқи бошқа тузилмалари раҳбарлари билан музокаралардан кейин маълум қилди, деб хабар беради ТАСС. 

“Ҳозирги босқичда бу мавзу Европарламент ҳукмини кутмоқда. Биз ҳозир Еврокомиссия яна (Туркиядан визаларни бекор қилиш) масаласини кўриб чиқиши лозим бўлган босқичга чиқдик. Шу йўл орқали юзага келган вазиятни ҳал қилиш мумкин. Бироқ мен бугунги алоқаларимдан сўнг, бунга катта умидлар боғлай олмайман”, - деди вазир.

Бозқирнинг айтишича, ЕИ вакиллари “бу жараённи кенгайтириш нияти йўқ”. “Шундай экан, Еврокомиссия томонидан келгусида ушбу масалага ижобий ёндашувни кутиш ўринсиз. Лекин Туркия ҳаракатдан, ушбу масалани илгари суришдан тўхтамайди”.

“Биз учун вазиятнинг бундай ҳолати мақбул эмас. Еврокомиссия янги қарор қабул қилиши зарур. Терроризмга қарши қонунчиликка ўзгариш киритиш масаласига тўхталсак, агар биз катта йўқотишларга дуч келганимизни инобатга олинса, терроризмга қарши кураш қонунига ўзгариш киритиш мавзуси сиёсий муҳокамаларга сабаб бўлмаслиги лозим”, дея фикр билдирди вазир. 

Еврокомиссия ҳамжамият давлатларига қисқа муддатли сафарларга отланаётган Туркия фуқаролари учун визасиз режимни киритишни тавсия қилди. Шу ўринда Анқара визасиз режимга ўтишга тайёргарлик жараёнида келишилган 72 пунктдан қолган 5тасини бажариш мажбуриятини олиши керак. Бу пунктлар коррупцияга қарши кураш соҳаси қонунчилигига ўзгартиришлар киритиш, ЕИ мамлакатлари билан полиция ва суд ҳамкорлиги, миграция ҳамкорлигини таъминлаш , янги кўринишдаги биометрик паспортларни татбиқ этиш каби масалаларни назарда тутади.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7804 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8663 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51070 Жамият
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 3333 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 3926 Жаҳон
КХДР АҚШ ва Жанубий Кореяга "шафқатсиз ўч олиш" билан таҳдид қилди
09:41 5778 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 1011 Жамият
Кўпроқ янгиликлар