Москва шаҳри Хован қабристонида содир бўлган ур-тўполонда 400 киши иштирок этган, деб хабар қилмоқда РИА «Новости» агентлиги Москва шаҳар ИИББ матбуот хизмати раҳбари Софья Хотинга асосланган ҳолда.

«Хован қабристонидаги жанжалда 400 киши қатнашган. Дастлабки маълумотларга кўра, зиддият хизмат кўрсатиш мақсадида қабристон ҳудудини тақсимлаш чоғида юз берган. Айни вақтда, қонунбузарликка чек қўйилган». 

Хабар қилинишича, жанжал вақтида отишма ҳам юз берган, бир неча киши жабрланган. 

Агентликнинг ҳуқуқ-тартибот идораларидаги манбасига кўра, қабристонга ОМОН бўлинмалари сафарбар этилган. Улар жанжалда иштирок этган 100дан ортиқ кишини ҳибсга олган. 

Айни вақтда суриштирув ишлари олиб борилмоқда.