АҚШ ракетага қарши мудофаа тизимларининг Европада жойлаштирилиши ҳимоя эмас, балки ядровий салоҳиятни оширишдир, деб айтиб ўтди Россия президенти Владимир Путин ҳарбий бошлиқлар билан йиғилишда.

"Улар жаҳон ОАВидаги ўз имкониятларидан фойдаланиб ҳануз ҳам кимнидир бу Россияга хавф солмайди ёки бу фақатгина мудофаа тизимлари деб янглиштира олсалар-да, бироқ бу ерда, бу стол атрофида, бу йиғилишда бўлганларни ҳеч ким янглиштира олмайди. Бўлмаган гап, мудофаа тизимлари ташқарига олиб чиқилган АҚШ стратегик салоҳиятининг бир қисмидир", деб айтди Путин. 

Президент "ташқари" деганда Шарқий Европани назарда тутаётганини айтган. Путин бу тизимларни ўз давлатларида жойлаштириш бўйича қарорни қабул қилган давлатлар етакчилари улар ҳанузгача тинч, тўқ ва хавфсизликда яшаганларини билишлари кераклигини, тизим элментлари жойлаштирилгандан кейин Россия унга нисбатан пайдо бўлувчи хавфларни тўхтатишга мажбур бўлишини айтиб ўтди.  

Бундан ташқари, Путиннинг айтишича, АҚШнинг бу ҳаракатлари ўрта ва узоқ масофали ракеталар ҳақидаги келишувнинг яққол бузилишидир, чунки Руминия, Польшада жойлаштириладиган учириш қурилмалари ўрта ва узоқ масофали ракеталарни жойлаштириш учун ишлатилиши мумкин.