Тожикистонда АҚШ ва Буюк Британия кўмагида радиоактив моддалар хавфсиз сақланувчи иккита объект очилди.

Омборларнинг тантанали очилиши 11 майда Тожикистон Давлат радиоактив чиқиндиларни кўмиш институтида бўлиб ўтди, деб хабар берди АҚШнинг Душанбедаги элчихонаси.

Объектлар АҚШнинг Тожикистондаги элчихонаси, АҚШ энергетика вазирлиги ядровий хавфсизлик миллий маъмурияти, Буюк Британия энергетика ва иқлим ўзгариши вазирлиги ва Тожикистон ҳукумати томонидан очилди.

Бу ташаббус ядровий ва радиоактив моддаларнинг террорчилар қўлига тушиб қолишининг олдини олиш бўйича кенгроқ саъй-ҳаракатларнинг бир қисми ҳисобланади.

Объектлар очилишида Тожикистон ядровий ва радиацион хавфсизлик агентлиги директори Ўлмас Мирсаидов ва Давлат радиоактив чиқиндиларни кўмиш институти директори Аслиддин Шоназаров объектларнинг анча такомиллаштирилганини АҚШ, Буюк Британия ва Тожикистоннинг ядровий ва радиоактив террорчиликнинг олдини олиш ишида давом этаётган ҳамкорлигининг намунаси эканлигини таъкидлаб ўтишди.

"Яроқсиз ва эгасиз радиоактив моддалар айниқса ўғриланиш хавфига учрайди. Объектларни модернизациялашнинг якунланиши Тожикистонда бу моддаларни хавфсиз ва ишончли бошқарилишини мустаҳкамлайди. Бу радиоактив террорчилик хавфини камайтириш мақсадида давлатларимиз ўртасида доимий ҳамкорлик эвазига каттагина ютуқ ҳисобланади", деб айтди АҚШлик вакил Энн Харрингтон.