"Формула-1" пойгасининг "Мерседес" жамоаси пойгачилари Нико Росберг ва Льюис Хэмилтон Испания Гран-присида тўқнашиб кетганларидан кейин пойгадаги курашдан чиқиб кетдилар.

Росберг бурилишлардан бирида олдинга чиқиб олди ва навбатдаги бурилишни бажараётганда орқада келаётган Хэмилтоннинг йўлини бироз тўсган. Шундан кейин амалдаги жаҳон чемпиони Хэмилтон йўл четидаги ўтга чиқишга мажбур бўлган ва унинг болиди айланиб кетиб, Росбергнинг машинасига тегиб кетган. Оқибатда иккала болид ҳам йўлдан чиқиб кетган.

Пойга назоратчилари воқеани тафтиш қилишларини айтишган.