Samsung компанияси қурилма дисплейидаги тасвирни бирон нарсанинг юзасига (мисол учун, девор) проектрлаштирувчи ва гаджет интерфейсини эса фойдаланувчининг қўлига узатиб берувчи технологияга эга бўлган «ақлли» соатларга патент олиш учун ариза топширди. Бу ҳақида AndroidHeadlines нашри хабар беради.

Бундай технология фойдаланувчи учун соатларнинг виртуал интерфейсини ўзининг билакларига энг керакли бўлган тугмаларни жойлаштирган ҳолда узатиб беради.

Тахмин қилинишича, бундай «ақлли» соатларни проектр сифатида фойдаланиб, бирон-бир юзага экрандаги маълумотни узатиш ҳам мумкин бўлади: масалан, девор ёки стол.

Бундан ташқари, патент аризасидаги маълумотга кўра, соатларни виртуал реаллик шлемлари билан синхронлаштириш имконияти мавжуд. 

AndroidHeadlines нашрининг ёзишича, патент олиш учун ариза 2014 йилнинг ноябрь ойида берилган, аммо оммага бу янгилик фақатгина ҳозирги кунларда маълум бўлди.

Нашрнинг таъкидлашича, компания бу технология устида бир ярим йилдан бери иш олиб бораётганлигига кафолат йўқ. Ҳар доим ҳам патент олиш қурилманинг ишлаб чиқарилиши ва бозорда пайдо бўлишидан далолат бермайди, деб хулоса қилади AndroidHeadlines.