“Осиё гавҳари” дея эътироф этиладиган Фарғона вилоятида “Биз – буюк юрт фарзандларимиз!” шиори остидаги ёшлар фестивалига старт берилди. Олдинда фарғоналик ёшларни эксклюзив учрашувлар, самарали ва мазмунли лойиҳалар, викторина ва шоу-дастурлар кутмоқда.

Илк куннинг ўзидаёқ тарғибот гуруҳи вакиллари Фарғона шаҳрида жойлашган “Мурувват уйи” ҳамда имконияти чекланганлар учун махсус коллежда “Ҳеч ким меҳр ва эътибордан четда қолмасин!” лойиҳаси доирасида учрашув ўтказишди. Куннинг иккинчи ярмида Ал-Фарғоний истироҳат боғида “Жаҳолатга қарши маърифат”, “Мен диний экстремизм ва терроризм таҳдидини қандай тушунаман?” мавзусида ижодий ишлар танлови ўтказилди.

Танлов ғолибларини тақдирлаш давомидаги “Мустақиллик фарзандларимиз!” шиори остидаги концерт дастури ёшларга чинакамига хушкайфият бахш этди. Сўнгра, Марказий Осиёда ягона ҳисобланмиш “Ёшлар симфоник оркестри”нинг “Баҳор нафаси” номли концерти орқали Фарғона аҳли чин санъат намуналаридан баҳраманд бўлишга муяссар бўлдилар.

Ижодий ишлар ғолиблари тақдирланди

Ал-Фарғоний истироҳат боғида “Жаҳолатга қарши маърифат”, “Мен диний экстремизм ва терроризм таҳдидини қандай тушунаман” мавзусида ижодий ишлар танлови ўтказилди. Танлов ғолибларини тақдирлаш давомидаги “Мустақиллик фарзандларимиз!” шиори остидаги концерт-дастури ёшларга чинакамига хушкайфият бахш этди.

Ёшлар симфоник оркестридан мусиқа кечаси

Марказий Осийода ягона ҳисобланмиш “Ёшлар симфоник оркестри”нинг “Баҳор нафаси” номли концерт-дастури орқали Фарғона аҳли чин санъат намуналаридан баҳраманд бўлишга муяссар бўлдилар. Отабек Муҳаммадзоҳид талқинидаги “Фасли навбаҳор” таронаси билан бошланган дастур санъати орқали жаҳонга машҳур бўлган Ширин Маматова, Барно Исматуллаева ва бошқа опера хонандаларининг жонли ижролари билан давом этди. Ўзбек миллий куй ва қўшиқлари, жаҳон опера санъатининг сара намуналаридан ташкил топган дастур 5 000 кишини қамраб олган Вилоят театр-концерт саройини ҳақиқий мусиқа кечасига айлантирди.