Ҳиндистон ҳукумати қурғоқчиликка қарши курашиш мақсадида баъзи дарёларнинг оқимини ўзгартириши мумкин.

Ҳиндистон сув захиралари вазирлиги асосий ҳинд дарёлари, жумладан Брахмапутра ва Гангнинг сувларини қурғоқчиликка энг кўп мойил бўлган ҳудудларга ташламоқчи.

Вазир Ума Бхарти дарёларни бошқа ҳудудларга ташлаш бўйича лойиҳани ҳукуматнинг устувор вазифаси деб атади. Экологларнинг эътирозларига қарамасдан, Олий суд лойиҳанинг амалга оширилишини тасдиқлади.

Ҳиндистоннинг турли ҳудудларида айни вақтда қурғоқчиликдан 330 млн киши азият чекмоқда. Кўпчилик ҳудудларда ҳаво ҳарорати 40° С дан ошмоқда.