Ўзбекистон президенти Ислом Каримов икки томонлама солиққа тортилиш ҳамда даромад солиғи тўлашдан бош тортишнинг олдини олиш мақсадида Ўзбекистон ва Финляндия ўртасидаги Келишувга ўзгартиришлар киритилгани ҳақидаги протоколни тасдиқлади.

Келишув 1998 йилнинг 9 апрелида имзоланган. Келишув протоколи 2016 йилнинг 8 мартида Хельсникида тасдиқланган. 

Солиқ тизимининг халқаро стандартларига мувофиқ янги қоидалари Келишувга протокол сифатида киритилади. 

Ўзбекистон раҳбари Ташқи ишлар вазирлигига Республика томонидан халқаро келишув доирасига кириш учун мамлакат ичидаги жараёнларнинг ижроси ҳақида маълумот юборишни топширди.