Хитойлик талабанинг Point Grey саройини 31,1 миллионга сотиб олгани ҳақидаги янгилик Ванкувер аҳлини ўйлантириб қўйди. "Хуаньцю шибао" газетасининг маълум қилишича, хитойлик интернет фойдалаунвчиларининг бир қисми ушбу харидни "омадли" деб топди.

Ванкувердаги энг қиммат кўчмас мулк объектлари орасида 16-ўринни банд этган Point Grey номли данғиллама ҳовлини ХХР фуқароси Тянь Юйчжоу қўлга киритган. Уйнинг майдони 1,3 минг квадрат метр, бундан ташқари 0,69 гектар ер ҳам унга қарашли. Уйнинг ичида бешта ётоқхона, саккизта ювиниш хонаси ва бошқа кўплаб хоналар бор.

Харидор харид нархи ва талабалиги боис Канада ва Хитой ОАВ диққатини тортди. Ҳарҳолда уйни расмийлаштириш пайтида у шундай маълумот қолдирган.

Бу воқеадан сўнг канадаликлар ўз ҳукуматининг кўчмас мулк қийматининг ўсиши билан курашувчи чораларининг самарадорлигига шубҳа қила бошлашди.

Ўз навбатида, хитойлик интернет фойдаланувчилари икки гуруҳга ажралишди: бир томон талаба пул "ўмариш" тизимига жалб қилинганлиги тўғрисидаги фикрларни айтса, фойдаланувчиларнинг бошқа гуруҳи Тянь Юйчжоу омадли харидни амалга оширганини билдирди.

"Бизнесда омади чопган оилалар бундай баҳодаги уйларни сотиб олиши ажабланарли эмас. Агар элементар ҳисоб-китоб қилинса, саройнинг бир квадрат метри 3523 долларга тенг. Бу Шанхай ёки Пекиндагидан анча арзон демакдир", - дейди интернет фойдаланувчиларидан бири.