Ҳонгконг конференцияси арафасида кўчаларга ётқизилган чорқирра тошлар елимлаб чиқилди

Жаҳон 16 Май 2016 2663

Ҳонгконг шаҳрининг марказий қисмидаги пиёдалар йўлакларига ётқизилган чорқиррали тошларнинг оралиқлари елимлаб чиқилди. Чжан Дэцзян раҳбарлигидаги Хитой делегациясининг шаҳарга ташрифи муносабати билан хавфсизлик чораларини кучайтириш мақсадида амалга оширилган, деб хабар қилмоқда AFP агентлиги. 

Бутунхитой халқ вакиллари йиғилиши (парламент)нинг раиси Децзяннинг оролга сафари мобайнида норозилик намойиши ўтказувчилар, делегация аъзолари ва полициячиларга чорқирра тошларни кўчириб улоқтиришлари эҳтимоли шундай чораларни кўришга сабаб бўлган. Чжан 18 май куни Ҳонгконгда бўлиб ўтадиган иқтисодий конференцияда маъруза қилиши кутилмоқда. 

Таъкидланишича, Ҳонгконгдаги учрашув арафасида бошқа хавфсизлик чоралари ҳам кўрилмоқда. Хусусан, марказий кўчаларда сув тўлдирилган пластик тўсиқлар, темир занжирлар ўрнатилмоқда. Ҳонгконг ҳукумати эса, чорқирра тошларнинг елимланишини, уларнинг "кўчириб олинишига қарши" чора деб баҳолади. 

Айтиш жоизки, Чжан сўнгги 4 йил мобайнида Сянган (Ҳонгконг) оролига ташриф буюраётган энг олий даражали Хитой давлат мулозими ҳисобланади. У конференциядаги маърузасидан ташқари, маҳаллий демократик кучлар намоёндалари билан ҳам учрашув ўтказади. AFP нашрининг қайд этишича, Хитой раҳбарияти шаҳарнинг ҳозирги раҳбари Лян Чжэньинни янги муддатга раҳбарликка илгари суришни режалаштирмоқда. Унинг ваколати 2017 йил мартида поёнига етади. 

2014 йили Ҳонгконгда бўлиб ўтган тинч намойишлар демократик ислоҳотларга асос бўлмагани боис, норозилик намойишлари яна ўтказила бошланди. Шу йилнинг февраль ойидаги намойишлар, Хитойдан мухториятни сақлаб қолиш учун кескинроқ кўринишда бўлиши мумкинлигини намойиш этган эди. Ўшанда, намойишчилар полиция билан тўқнашувда чорқирра тошлардан фойдаланганди.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 9803 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 45361 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 74092 Ўзбекистон
Кун.uz офис изламоқда
15:48 / 06.08.2017 40858 Lifestyle
Beeline Фарғона вилоятида янги таянч станцияларини ишга туширди
Amazon облигацияларига талаб ҳажми Беларусь ЯИМ билан тенг бўлди
Трампнинг маслаҳатчиси Шарлотсвиллдаги миллатчиларни “масхарабозлар” деб атади
16:47 26 Жаҳон
Бухоро вилоят ҳокими ичимлик суви ва бозорлардаги гўшт таъминоти юзасидан баёнот берди
16:41 519 Жамият
17 ёшли онанинг 2 ёшли боласини машинада қолдириши ҳалокатли якун топди
16:41 1174 Жамият
Ўқишга кира олмадингизми? Ташвишланманг, талаба бўлишингиз мумкин 
16:32 4271 Жамият
Кўпроқ янгиликлар