Япония бош вазири "катта еттилик" саммитида офшор масаласини кўтармоқчи

Жаҳон 17 Май 2016 2680

Япония бош вазири Синдзо Абэ "еттилик"нинг навбатдаги саммитида, анжуман иштирокчилари эътиборини "Панама ҳужжатлари" можароси сабаб, офшорлар масаласи ва солиқ тўлашдан бўйинтовлаш муаммосига қаратиш ниятида. У Парламент юқори палатаси бюджет комиссияси йиғилишида шундай баёнот берган.

"Солиқ тўламаслик - бу солиқ тўловчилар ишончини йўқотадиган жиддий масала, -деган бош вазир. - "Еттилик" раиси сифатида, халқаро механизмлар воситасида солиқ тўламасликка қарши тизимни ташкил этиш бўйича мунозараларни ўтказишни режалаштирганман". 

Унинг қайд этишича, ҳозирдаёқ, офшорлардаги ҳисоб рақамларига оид ахборот алмашинуви борасида сезиларли муваффақиятга эришилган. 

Япониянинг Киодо агентлиги, "еттилик" давлатлари саммит доирасида коррупция ва солиқ тўламасликка қарши кураш чоралари бўйича махсус режа қабул қилиши мумкинлиги ҳақида хабар қилган эди. 

Маълумки, "Панама ҳужжатлари"да кўплаб компаниялар қатори япон бизнеси намоёндалари ҳам мавжуд. Хусусан Marubeni савдо компанияси ва Mitshubishi Corporation ҳамда Softbank мобиль алоқа оператори бор.

NHK телеканали эса, бу борада 230 нафар япон фуқароси ва 20та компания ҳақида сўз юритган. 

Эслатиб ўтамиз, Вашингтонда жойлашган журналистик текширувлар халқаро консорциуми (ICIJ) 2016 йил 3 апрелида 11,5 млн саҳифалик ҳужжатларни эълон қилган, унда жаҳоннинг айрим мамлакатлари амалдаги ва собиқ давлат раҳбарлари, сиёсатчилар, маданият ва спорт намоёндаларига тегишли офшор маълумотлари қайд этилган эди. 

"Панама ҳужжатлари" деб номланган мазкур саҳифалар Панаманинг Mossack Fonseca юридик фирмасига тегишли ахборотлар тўпламидан иборат бўлган. Айни фирма, офшор мамлакатларида рўйхатдан ўтишда амалий ёрдам бериш билан шуғулланган. Айтиш жоизки, ҳужжатлар тўплами тўлиқ ошкор этилгани йўқ.

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6768 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56875 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37861 Ўзбекистон
Кун.uz офис изламоқда
15:48 / 06.08.2017 38835 Lifestyle
Диққат, огоҳ бўлинг! «Мен Мажбурий ижро бюросиданман»
11:10 364 Жамият
Асака туманида тергов идорасидан яшириниб юрган шахс қўлга олинди
11:09 149 Жамият
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 1120 Спорт
Кўпроқ янгиликлар