“Давра” номидаги немис-ўзбек маданий жамияти ташаббуси билан 2016 йилда тўртинчи маротаба ташкил этилган “Европадаги ўзбеклар ўртасидаги футбол турнири”да Европанинг турли давлатларида истиқомат қилаётган ва таҳсил олаётган 200 нафардан ортиқ ўзбекистонликлар иштирок этди. 

Мусобақада FC Davra, FC TIIM (Tashkent institute of irrigation and melioration), FC Nihol, FC UZB United, FC Praga, München, Rhein Main United ва бошқа жамоалар иштирок этган.

Мусобақа ўзаро дўстона ва соф рақобат асосида ўтди.

Унда фахрли 3-ўринни FC TIIM (Tashkent institute of irrigation and melioration) ва FC Nihol жамоалари, 2-ўринни Rhein Main United жамоаси, 1-ўринни ва турнир кубогини München жамоаси қўлга киритди.

Турнир якунида мусобақа иштирокчилари турли номинациялар бўйича тақдирланди. FC TIIM (Tashkent institute of irrigation and melioration) жамоаси дарвозабони Дилшод Дадабоев “Энг яхши дарвозабон” номинациясида, München жамоаси ҳужумчиси Мухтор Эшматов “Энг яхши ўйинчи” номинациясида тенгсиз деб топилди.

Барча ғолиб ва совриндорлар мусобақа ташкилотчилари томонидан эсдалик совғалари ва диплом билан тақдирланди.