Фарғонада «Биз буюк юрт фарзандларимиз!» ёшлар фестивали давом этмоқда

Ўзбекистон 17 Май 2016 7217

Ёшларни мамлакатимизда мустақиллик йиллари давомида амалга оширилаётган ижтимоий-сиёсий ва иқтисодий ислоҳотлар, демократик ўзгаришлар билан яқиндан таништириш, бу жараёнларга нисбатан дахлдорлик ва шукроналик туйғусини шакллантириш, ёшларни «оммавий маданият»нинг салбий таъсирларидан асраш, уларни халқимиз ҳамда миллий қадриятларимизга ҳурмат ва садоқат руҳида тарбиялаш каби жиҳатларни мақсад қилган ёшлар фестивали Фарғонада катта шукуҳ билан ўтмоқда.

16 май куни вилоятнинг Учкўприк, Ўзбекистон, Риштон, Олтиариқ, Қўштепа, Тошлоқ, Қува, Қувасой туманларида «Бу менинг Ватаним!», «Одам савдоси – давр муаммоси», «Диний экстремизм ва терроризм – ёшлар келажагига таҳдид», «Сиз севган қаҳрамонлар», «Ҳоким ва ёшлар», «Виждонли сотувчи», «Ҳеч ким меҳр ва эътибордан четда қолмасин!», «Депутат ва ёшлар», «Камолот кутубхонаси», «Оммавий маданият ва ёшлар маънавияти», «Ёшлар жонли ижро тарафдори», «Замонамиз қаҳрамонлари», «Биз соғлом турмуш тарафдоримиз!» каби лойиҳалар ўтказилди.

Фарғона вилоятига фестивал доирасида ташриф буюрган тарғибот гуруҳи вакиллари: Ўзбекистон халқ артистларидан Бахтиёр Ихтиёров, Азиза Бегматова; Ўзбекистон халқ шоирларидан Анвар Обиджон, Иқбол Мирзо; Ўзбекистонда хизмат кўрсатган артистлардан Бегзод Муҳаммадкаримов, Гавҳар Зокирова, Ҳошим Арслонов, Мурод Ражабов, Матёқуб Матжонов; «Ниҳол» мукофоти совриндорларидан Машҳурбек Раимжонов, Бекзод Баҳромов; эстрада хонандаларидан Илҳом Фармонов, Отабек Муҳаммадзоҳид, Азиз Ражабий, Саида, Аслиддин Дўстов, Музаффар Мирзараҳимов, Абдужалил Қўқонов; театр ва кино актёрларидан Мунаввара Абдуллаева, Алишер Узоқов, Отабек Маҳкамов, Асатилла Набиев, Феруза Норматова, Асқар Ҳикматов, Дилшодбек Каттабеков; мақом, опера ижрочилари, шоир, олим ва иқтидорли ёшлар иштирок этдилар.

Кун давомида амалга оширилган лойиҳалар кечки гала-концерт дастури билан якунланди.

Фарғонанинг ҳар бир кўчасидан шоир чиқиб келаверади. Сабаби, азал-азалдан Фарғона шоир ва ижодкорлар юртидир. Қува тумани эса ҳақиқий шоирлар ўчоғи, десак муболаға бўлмайди. Аҳмад ал-Фарғоний юрти ҳисобланган бу юртда шоирлар туғилаверади, уларнинг ижоди гуллайверади.

«Замонамиз қаҳрамонлари» лойиҳаси аввалида Ўзбекистон халқ шоири Анвар Обиджон сўз олиб, бугунги тинч кунларимизни мадҳ этувчи мисралари орқали йиғилган ёшларни осойишта кунларимизнинг қадрига етишга чорлади.

Қувалик замонамиз қаҳрамонларидан бири - Зулфия Мамажонова. Бу йил Зулфия учун чинакам қувончли йил бўлди. Юртбошимиз ташаббуси билан ташкил қилинган «Зулфия» номидаги давлат мукофотига сазовор бўлди.

Яна бир замонамиз қаҳрамони - Ўзбекистон фанлар академияси тадқиқотчиси Мухтор Дармонов. Истеъдод эгалари билан учрашган қувалик ёшлар бундан унумли фойдаланиб улар ҳақида ўзларини қизиқтирган саволларига жавоб олдилар.

- Бўш вақтимда қалам тебратиб тураман. Қувадан кўплаб шоир ва алломалар етишиб чиққан. Бу қаҳрамонларни бутун ёшларга таништиришда ушбу лойиҳанинг аҳамияти катта, - дейди коллежнинг иккинчи босқич ўқувчиси Зиёдулло Абдуғаниев.

Фаоллар «Камолот кутубхонаси» китоблари билан тақдирланишди

Олтиариқ Педагогика касб-ҳунар коллежида «Камолот кутубхонаси» лойиҳаси доирасида викторина ўтказилди.

Тадбир тарғибот гуруҳи вакиллари ҳамда коллеж ўқувчи-ёшларининг китоб, унинг инсон маънавий камолотида муҳим аҳамияти борасидаги суҳбат, турли асарларга оид савол-жавоблар билан бошланди.

Меҳмон санъаткорларнинг ижод намуналари, саҳнавий чиқишлари ва тароналари ёшларга қувонч улашди.

Лойиҳада фаол иштирок этган ёшлар «Камолот кутубхонаси» китоблари билан тақдирландилар.

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 29789 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 66364 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8623 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 127603 Жамият
ОАВ: ИШИД Сургутдаги ҳужум учун жавобгарликни ўз зиммасига олди
19:30 560 Жаҳон
Қашқадарёда учта йирик тиббиёт маркази барпо этилмоқда
NASA улкан астероиднинг Ерга яқинлашишини кўрсатди (видео)
19:10 2521 Жаҳон
«Барселона» «Ницца» футболчиси билан келишувга эришди
19:00 908 Спорт
Дам олиш куни Ўзбекистонда қандай об-ҳаво кузатилади?
«Манчестер Юнайтед» иккинчи турда ҳам йирик ғалабага эришди
18:40 2269 Спорт
Кўпроқ янгиликлар