Банк активлари бўйича дунёнинг энг йирик молия муассасаси ҳисобланувчи Хитойнинг ICBC Standard Bank (Хитой Саноат ва Тижорат банки МЧЖ) Barclays банкининг қимматбаҳо металлар сақлаш бизнеси, шу жумладан, Лондондаги замонавий сақлаш иншоотини харид қилиш бўйича келишувга эришди, деб хабар қилмоқда money.cnn.com сайти. 

Мазкур битим, Хитойнинг Лондон олтин бозорига кириш имконини беради ва мамлакатнинг жаҳон олтин бизнесидаги ўрнини мустаҳкамлайди. 

Лондон шаҳридаги жойлашган ўрни сир тутиладиган олтин омборхонасида 2000 тонна тилла ва бошқа қимматбаҳо металлар, яъни жами қиймати 90 млрд долларлик бойликни сақлаш мумкин. 

Бундан аввал, Barclays бошқаруви қимматбаҳо металлар бизнесини тарк этаётгани хусусида маълум қилган эди. Банк ўз иншоотини 2012 йилда очганди.
Мазкур савдо битимининг молиявий жиҳатлари ошкор қилинмаяпти.