Baker & Hostetler авдокатлик бюроси IBM компанияси яратган робот-адвокатни ишга олди. Сунъий онг банкротлик жараёни билан боғлиқ ишлар билан шуғулланади, деб хабар бермоқда Futurism.

ROSS деб ном олган робот IBM томонидан яратилган Watson тизими негизида ишлайди. Рақамли адвокат инсон нутқини тушунади, ахборотни қидира олади, профессионал адабиётга иқтибос келтирган ҳолда далил ва тахминлар келтира олади. IBM’нинг таъкидлашича, бу дунёдаги илк робот-адвокатдир. 

Сунъий ёрдамчи катта ҳажмдаги маълумотни саралаб, энг зарурларини қолдиради. ROSS шунингдек ишлаш жараёнида тезлигини ошириб ва қўшимча малакаларни эгаллаб такомиллашиб боради. 

Baker & Hostetler’нинг ахборот технологиялари бўйича директори янги технологиялар адвокатлик бюроси тақдим қиладиган хизматлар сифатини оширишга ёрдам беришига ишонч билдирди.