«Фуқаролик ташаббуслари қўмитаси» раҳбари, собиқ молия вазири Алексей Кудрин Россия президенти қошидаги «Тузилмавий ислоҳотлар ва барқарор иқтисодий ўсиш устиворликлари» номи остидаги иқтисодий кенгашнинг ишчи гуруҳи раҳбари этиб тайинланди. Бу қарор матни ҳуқуқий хабарлар порталида эълон қилинган.

Ишчи гуруҳ таркибидан ҳукумат аппарати раҳбарининг биринчи ўринбосари Максим Акимов, Иқтисодий тараққиёт вазирлиги раҳбари ўринбосари Алексей Ведев, «Сбербанк» раҳбари Герман Греф, Молия вазири ўринбосари Максим Орешкин, Россия банки раисининг биринчи ўринбосари Ксения Юдаева, Иқтисодий тараққиёт вазирлиги қошидаги Бутунроссия ташқи савдо академиясининг илмий-амалий ишлар бўйича проректори Павел Кадочников ва бошқалар киришган.

Ушбу ишчи гуруҳнинг асосий вазифалари иқтисодий соҳадаги долзарб муаммолар билан шуғулланиш, тузилмавий ислоҳотлар орқали иқтисодий ўсишни таъминлаш, Россия иқтисодий ривожланиши ҳолатини ўрганиб, таҳлил қилиб, алоҳида соҳалар учун самарадорликни кўзда тутувчи таклифлар ишлаб чиқиш ва бошқалар ҳисобланади.