Шинейд О'Коннор Чикаго атрофидаги ҳудуддан топилди

Маданият 17 Май 2016 4853

15 май куни йўқолиб қолгани маълум бўлган ирландиялик қўшиқчи ва бастакор Шинейд О'Коннор Чикаго шаҳри атрофидаги ҳудуддан соғ-саломат ҳолда топилган. Бу ҳақда полиция маълум қилган. Унинг руҳий ҳолати ҳақида аниқ айтилмаган.

Ирландиялик қўшиқчи Чикаго полицияси уни излашни бошлагани ҳақида эълон қилишидан бир неча соат ўтиб топилган.

О'Коннор 15 май куни тонгида велосипедига минган ҳолда чиқиб кетган ва қайтмаганди.

Шу куни полицияга қўнғироқ қилиб, унинг бедарак кетгани ҳақида билдиришган. Қўнғироқ қилган одам унинг соғ-саломатлигидан хавотир билдирган. Гувоҳларнинг айтишича, қўшиқчи сайр учун мўлжалланган кийимда бўлмаган. Унинг устида қора куртка, қора чарм шим ва свитер бўлган.

Ўтган йилда унинг руҳий ҳолати издан чиқиб, ўз жонига қасд қилишига бир бахя қолганди.

Шинейд О'Коннор 49 ёшда. Унинг дунё миқёсида танилишига 1990-йиллар бошида Принснинг Nothing Compares 2 You қўшиғини куйлашдаги иштироки сабаб бўлган.

Жами бўлиб О'Коннор 10та альбом ёзган.

У тез-тез можароларга аралашиб қолиши билан ҳам маълум.

Хусусан, 1992 йили Saturday Night Live телешоусида черков шаънига номаъқул сўзлар айтиб, папа Иоанн Павел II суратини топтаганди.

О'Коннор ўз чиқишларидан бирида қочқинларнинг фарзандлари суратини кўтариб чиққан.

Май ойи бошида О'Коннор америкалик комик актёр Арсенио Ҳоллни кўп йиллар давомида марҳум қўшиқчи Принсга наркотиклар етказиб бериш билан шуғулланиб, унинг ўлимига сабаб бўлганликда айблаганди.

Ҳолл барча айбларни инкор қилган ва О'Коннорни судга берган.

Шинейд О'Коннор 4 марта турмуш қурган ва 4 нафар фарзандли бўлган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22648 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24744 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12756 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54036 Жамият
Тиббиётдаги энг хавфли 10 жараён
19:31 845 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1121 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 981 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 2525 Спорт
Кўпроқ янгиликлар