АҚШлик кинорежиссёр ва кинопродюсер Майкл Бэй Paramount кинокомпанияси билан бирга "Трансформерлар" фильмининг янги – 5- қисмининг қандай номланишини эълон қилди, деб хабар бермоқда Variety.

Бэйнинг айтишича, фильм "Трансформерлар: сўнгги рицарь" деб номланди.

Таъкидланишича, фльмнинг суратга олиш ишлари 2016 йил 17 июнда Детройтда бошланиши режалаштирилган. Бироқ фильмнинг асосий суратга олиш ишлари Кубада бўлиб ўтади.

Фильмда киноактёр Марк Уолберг бош роль ўйнаши режалаштирилган.  

Февралда Paramount "Трансформерлар"нинг янги қисмларининг премьералари саналарини эълон қилганди. Фильмнинг 5-қисми илк намойиши 2017 йил 23 июнга, 6-қисминики 2018 йил 8 июнга, 7-қисмининг премьераси эса 2019 йил 28 июнга белгиланган.