“Пакана” лақабли мексикалик наркабарон Хоакин Гусман ҳақида суратга олинган сериал 2017 йилда АҚШ телеэкранларида намойиш этилади. Бу ҳақда The Hollywood Reporter журнали маълум қилган.

Кўпа қисмли ушбу сериал мексикаликнинг шов-шувга бой ҳаёти ҳақида ҳикоя қилади. Телесериал Американинг иккита компанияси – Univision ҳамда Netflix томонидан суратга туширилган.

“Синалоа” наркокартели бошлиғи Хоакин Гусман 2015 йилнинг 12 июль куни Мехико штатидаги жуда қаттиқ қўриқланадиган "Альтиплано" қамоқхонасидан қочишга муваффақ бўлган эди. У мексикалик махсус қўшинлар томонидан жорий йилнинг 8 январь куни қўлга олинган.