Автомобиль ўриндиқлари шундоқ ҳам ўз вазифасини ажойиб тарзда бажараётган бўлса, уларни такомиллаштириш шартмикан, деган савол туғилиши табиий. Бироқ BeBop Sensors компанияси муҳандислари бундай фикрда эмас. Шу боисдан ҳам илмий лабораторияларда ишлаб чиқилган тизимли ўриндиқлар, унда катта ёшли киши ёхуд бола ўтирибдими ёки шунчаки дўкон пакетлари турганини юқори аниқлик билан билади. 

BeBop Sensors ходимларининг фикрича, бугунги кун автомобиль ўриндиқлари аслида ахмоқлиги сабаб, талабга жавоб бермайди. Уларни ақллироқ қилиш учун  OCS (Occupant Classification System) тизими ишлаб чиқилди. У 1 мм қалинликдаги чехол кўринишида бўлиб, юзлаб турли сенсорлардан ишлаб чиқарилган. Мазкур тизим, йўловчининг ўлчами, вазни ҳамда унинг чехол устидаги ҳар қандай ҳаракатини кузатиб тура олади. Шу билан бирга, сенсор ўриндиққа болалар креслоси ёки сумка қўйилганини ҳам ажрата олади. 

Автомобиль борткомпьютери автоҳалокат вақтида OCS тизими ёрдамида хавфсизлик ёстиқчасини, йўловчининг вазни, ёши ва эгаллаган ҳолатидан келиб чиқиб аниқроқ йўналтиради. Бу эса, йўллардаги хавфсиз саёҳатлар сонини кўпайтиради. Айни вақтда, BeBop Sensors йирик автомобиль ишлаб чиқарувчилари билан ўз ихтиросини қўллаш борасида фаол музокаралар олиб бормоқда.