Kia компанияси орқа ғилдираклари етакчи бўлган яна бир седанининг йўлларда синаш ишларини бошлади. Айни вақтда, Quoris модели компаниянинг орқа ўқ воситасида ҳаракатланадиган ягона машинаси эди. Тест прототипининг илк суратларини Auto Express чоп этган. Автомобиль 2017 йил бошида Детройт автосалонида расман тақдим этилади. 

Хабар қилинишича, ўрта ўлчамдаги спорт седани ўзининг баъзи жиҳатларини 2011 йилги Франкфурт моторшоусида намойиш этилган 4 эшикли GT купесидан ўзлаштиради. Янгилик оригинал «йўлбарс бурни» радиатор қафасига эга бўлиб, унинг ёнтомонларига ёруғлик диодлари ўрнатилган. 

Тахминларга кўра, Kiaнинг янги седани негизида Hyundai компаниясининг суббренди — Genesis моделларида қўлланиладиган ортюритувчи архитектура ётади. Моторлар сафини 275 от кучига эга, 3,3-литрли V6 ва 420 от кучини берувчи 5 литр ҳажмли V8 двигателлари тўлдиради. 

Янги модель Европа бозорига шунингдек, 200 от кучини берувчи дизелли агрегат билан ҳам савдога чиқарилади. Унинг ишчи ҳажми 2,2 литрни ташкил этади. Кейинчалик, моделнинг хўжалик электр тармоғидан қувват олиш имконига эга гибрид намунаси ҳам пайдо бўлиши эҳтимол. 

Аввалроқ, 2018 йили Жанубий Кореянинг Kia компанияси янги авлод Rio хэтчбекининг "кучайтирилган" GT-версиясини ишлаб чиқиши маълум бўлганди. У Ford Fiesta ST билан рақобат қилиши кутилмоқда. Машинага 180 от кучига эга 1,6 литрли "турботўртлик" ўрнатилади.