ОАВ: Луческу "Зенит"га бош мураббий бўлиши бўйича музокара ўтказади

Спорт 18 Май 2016 1675

Донецкнинг "Шахтёр" жамоасини узоқ йиллардан буён бошқариб келаётган мураббий Мирча Луческу кейинги ҳафтада Россиянинг "Зенит" жамоаси билан шартнома тузиш бўйича музокара ўтказиши кутилмоқда. Бу ҳақда Sport.ro хабар тарқатган.

Ўтган ҳафтада 70 ёшли бу руминиялик мутахассиснинг агенти Аркадий Запорожан ТАСС мухбирига ўтган йилда ҳам россияликлар клубидан таклиф бўлгани ҳақида айтиб ўтганди. Унинг қайд этишича, "Шахтёр" раҳбарияти билан ҳам мавсум охирида учрашув ўтказиши белгиланган.

Луческунинг "Шахтёр" билан шартномаси 2015/16 йилги мавсум охирига қадар тузилганди. Луческу "Шахтёр"ни 2004 йилдан буён бошқариб келмоқда. Унинг бошқарувида жамоа Украина чемпионатида 8 марта ғолиб бўлган ва 5 марта Украина Кубогини, шунингдек 6 марта Украина Суперкубогини қўлга киритган. 2009 йилда "Шахтёр" УЕФА Кубогида зафар қучган.

"Зенит" жамоаси бош мураббийи Андре Виллаш-Боаш мавсум якунида жамоадан кетиши бўйича якуний қарорни қабул қилгани ҳақида айтганди. Санкт-петербургликлар клубини бошқариши мумкин бўлган номзодлар қаторида чилилик мутахассис Мануэль Пеллегрини номи ҳам бор. Шунингдек, айни вақтда Италиянинг "Фиорентина" жамоасида ишлаётган португалиялик Паулу Соуза ҳам Россияга келиши мумкин.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 8721 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 42747 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 68985 Ўзбекистон
Кун.uz офис изламоқда
15:48 / 06.08.2017 40097 Lifestyle
КХДР Хитойдан озиқ-овқат маҳсулотлари импортини бир неча баробарга оширди
14:48 31 Жаҳон
Африканинг энг бой одами АҚШ ва Европага 50 млрд доллар сармоя киритади
14:46 299 Жаҳон
Мирзиёев Қозоғистон мудофаа вазири билан ҳарбий ҳамкорликни муҳокама қилди
Януковичга давлат томонидан тақдим этилган адвокат уни ҳимоя қилишдан бош тортди
13:32 2013 Жаҳон
Ўктам Барноев: Бухорода 500 дан ортиқ диний зиёрат қадамжолари бор
Хитой Россияга ўз ҳудудида янги АЭС қуришни таклиф қилди
13:07 2858 Жаҳон
Кўпроқ янгиликлар