АҚШ Конгресси вакиллар палатаси 610,5 млрд доллар миқдоридаги мамлакат мудофаа бюджетини тасдиқлади, деб хабар қилмоқда Bloomberg.

Қайд этилишича, маблағлар янги авлод қирувчи самолётлари, вертолётлар харид қилиш, ҳарбийларга хизмат кўрсатиш ва уларга маош тўлаш мақсадларига йўналтирилади. 

Ҳужжатда, шунингдек, Украинага 150 млн доллар ҳарбий ёрдам кўрсатиш ҳақида сўз борган. Ироқлик ҳарбийларни тайёрлаш ва жиҳозлаш дастурига 680 млн доллар ажратилади. Шу билан бирга, Америка қуролли кучларининг Афғонистондаги 9,8 минг аскарини таъминлашга ҳам сарф этилади.