Япониянинг Кюсю ороли жануби-ғарбий қисмида 14 апрель куни бўлиб ўтган кучли ер ости силкинишларидан сўнг бир ой давомида магнитудаси 1 баллдан ортиқ, инсон ҳис қилиши мумкин бўлган даражадаги 1,5 минг мартадан ортиқ зилзила содир бўлди. Бу ҳақда сейсмологик хизматларни ҳам амалга оширувчи миллий Метеорологик бошқарма маълумотига асосланиб ТАСС хабар қилди. 

Ушбу ҳудудда сейсмологлар кундан кунга тобора камроқ ер ости силкинишларини қайд этаётган бўлсада, юқори сейсмик фаоллик сақланиб қолмоқда. Тахминан 10 минг киши ҳамон эвакуация пунктларида қолмоқда. Чунки уларнинг уйларига жиддий зиён етган ва уларга қайтиш хавфли. 

Кюсю оролида биринчи ер ости силкинишлари серияси 14 апрель куни бошланган. Ўшанда энг кучли зилзила магнитудаси 6,5га етган. Кейинги кун магнитудаси 7,3га етадиган кучлироқ ер силкинишлари содир бўлди. Натижада кўчкилар ва уйларнинг вайрон бўлиши оқибатида 49 киши ҳалок бўлди, 340дан ортиқ киши оғир жароҳат олди. Яна 19 киши эвакуацион пунктларда касалликларнинг оғирлашувидан нобуд бўлди. 

Ҳукумат маълумоти бўйича Кумамато – энг кўп азият чеккан префектура бўйлаб 35 минг бино қисман ёки буткул вайрон бўлган.