Европа расмийлари Ҳонгконгнинг (Hong Kong) Ҳатчисон компанияси томонидан Британиянинг O2 мобиль операторини харид қилишига рухсат бермади. 

Осиёнинг энг бадавлат кишиларидан бири Ли Ка Шингга қарашли CK Hutchison конгломерати O2 мобиль операторини Буюк Британиядаги ўзига қарашли бошқа 3та мобиль оператор билан бирлаштириб, бозордаги энг йирик алоқа операторини ташкил этмоқчи эди. У, мақсадини амалга ошириши учун ўтган йилнинг март ойида Испаниянинг Telefonica компаниясига 10,25 млрд фунт стерлинг (14,8 млрд доллар) таклиф этганди. 
 
Аммо, мазкур битимни ўрганиб чиққан Европа Комиссияси, келишув рақобатни сусайтириб, истеъмолчилар учун баланд нархлар белгиланишига олиб келиши мумкин, деган хулосага келган. У Европа мобиль алоқа бозоридаги асосий ўйинчиларни 4тадан 3тага қисқартирар эди.