Америка бизнеси намоёндалари АҚШ президенти постида республикачилар партиясидан номзод Дональд Трампдан кўра, АҚШ собиқ давлат котиби Ҳиллари Клинтонни кўришни исташади. Бу ҳақда ўз тадқиқоти натижаларига таяниб Financial Times нашри хабар қилди. 

Маълум бўлишича, номзодларни қўллаб-қувватлаш Клинтон фойдасига иккига бир нисбатда. Одатда республикачиларни қўллаб-қувватловчи бизнесменларнинг ярми, Клинтонга бир қатор эътирозлари бўлишига қарамай, бу сафар овозларини демократга беришга тайёр. 

Респондентларнинг тўртдан биригина Трампни қўллаб-қувватлашини билдирди. Трамп ўзининг президентлик кампаниясини юритиш давомида бизнес тўғрисида кескин қарашларини бир неча бор билдирган. Масалан, у қатор савдо битимларини бекор қилиш ва импортга жарима тарифларини киритишни таклиф этган. Бизнесменлар унинг корпоратив солиқларни максимал ставкани 39 фоиздан 15 фоизга камайтириш режасинигина қўллаб-қувватламоқда. 

Cisco, General Electric ва Procter & Gamble каби компаниялар манфаатларини ифода этувчи Билл Райнш, Клинтон унинг мижозлари учун камроқ зиён келтиришини билдирди. 

“Салбий сўзлар билан фикримни ифодалашни ёмон кўраман, лекин қолган икки номзод ростдан ҳам даҳшатли”, - деди Райнш Трамп ҳамда Берни Сандерсни назарда тутиб.