Буюк Британия қироличаси Елизавета II биринчи марта мамлакат парламентининг юқори қаватига чиқиш учун лифтдан фойдаланди. Қиролича бу ерга тантанали нутқ сўзлагани келган, деб хабар бермоқда The Telegraph нашри.

Таъкидланишича, авваллари 90 ёшли қиролича ўзининг турмуш ўртоғи – 94 ёшли Эдинбург герцоги Филипп билан парламентдаги 26 та зинапоядан кўтарилиб чиқардилар. Бунда зина бўйлаб аскарлар саф тортишиб туришарди. Бироқ кекса жуфтлик 18 майда қироличанинг ташрифи учун махсус ўрнатилган лифтдан фойдаланишди.

Киролича тантанали нутқида Буюк Британиядаги янги ислоҳотлар ҳақида ҳам сўзлаб ўтди.