Лондоннинг собиқ мэри Эрдўғанни ҳақоратловчи шеърлар танловида ғолиб чиқди

Жаҳон 19 Май 2016 5076

Буюк Британиядаги The Spectator журнали Туркия президенти Ражаб Тойиб Эрдўған шаънига ҳақоратловчи сўзлар битилган шеърлар танлови якунларини маълум қилди. Унга кўра, Лондон шаҳрининг собиқ мэри бўлмиш Борис Жонсон ғолиб чиққан.

Танлов ғолиби учун берилган 1000 фунт миқдоридаги мукофот пулини у хайрия қилган.

Sky News телеканалида қайд этилишича, Жонсон швейцарияликларнинг Die Weltwoche нашрига берган интервьюсида Эрдўғаннинг хатти-ҳаракатларини Европадаги исталган киши танқид қила олиши мумкинлигини таъкидлаган.

"Эрдўған Туркияда ўз мухолифатларини қамоққа ташлаши мумкин. Канцлер Меркель Германияда Эрдўғанни танқид қилувчиларни озодликдан маҳрум этиши мумкин. Лекин Буюк Британияда ҳур фикрлилик яшашда давом этмоқда. Бизга нима қилишни ва нимани гапиришни ўргатадиган ҳукмдорлар керак эмас. Бизга нима учун кулиш мумкинлигини ҳал қилиб берадиган суд ҳакамлари, айниқса германиялик ҳакамлар керак эмас", дейилади журнал хабарида.

The Spectator журнали Германияда Туркия раҳбари Эрдўғанни ҳақорат қилувчи шеър битган телебошловчи Ян Бемерманнинг тергов қилиниши воқеалари фонида туркияликлар етакчисини ҳақоратловчи шеърлар танловини эълон қилганди. Бемерман шу йилнинг мартида ZDF телеканалидаги Neo Magazin Royalе кўрсатуви орқали Эрдўғанни ҳақоратловчи шеър ўқиганди. Унинг шеърида Эрдўған Туркиядаги курдлар ва қочоқларга айрича муносабатда бўлиши, мухолифатини ва журналистларни қамаш билан машғуллиги кинояли тарзда келтирилганди.

11 апрель куни Эрдўған бу журналистга нисбатан жиноий иш очишни талаб қилгани ҳақидаги хабар Германия ҳукумати вакили Штеффен Зайберт томонидан тасдиқланди.

Туркия етакчиси 9 май куни журналистни қўллаб-қувватлашда айблаб, Axel Springer концерни раҳбарини судга берди.

Кўп ўтмасдан Германия суди Эрдўғоннинг Axel Springer бош директорига нисбатан даъвосини рад қилди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31916 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69336 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9495 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131812 Жамият
Ҳиндистондаги темир йўл фалокати қурбонлари сони 20 кишига етди
21:58 17 Жаҳон
Испания Франция билан чегарасида назоратни кучайтиради
21:53 22 Жаҳон
АПЛ. «Ливерпуль» қийин ғалабани қўлга киритди, 
21:50 237 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 751 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 4384 Спорт
Кўпроқ янгиликлар