Мисрнинг EgyptAir авиакомпаниясига тегишли А320 русумли йўловчи самолёти Париж шаҳридан Қоҳирага рейсни амалга ошириш чоғида радарлардан йўқолган. Бу ҳақда авиакомпания твиттерида маълум қилинган.

Маълум қилинишича, авиалайнер Франция пойтахтидан маҳаллий вақт билан 18 май куни соат 23:09да (Тошкент вақти билан 19 май куни соат 03:09да) ҳавога кўтарилганди.

Борт рақами MS804 бўлган бу самолётда 59 нафар йўловчи ва экипажнинг 10 нафар аъзоси бўлган.

Самолёт Мисрга қўнишига 15 дақиқача қолганида (80 миллик масофа) радардан йўқолган. Бу вақтда самолёт 27 минг фут баландликда бўлган (11 минг м).

Охирги марта самолёт Афинадагилар билан алоқага чиққани айтилмоқда.

Самолёт қулаб тушиши эҳтимол қилинган ҳудудга махсус гуруҳлар юборилган.