Тошкентда энг яхши саундтрек ижрочилари тақдирланди

Маданият 19 Май 2016 8832

Куни кеча Тошкентнинг Алишер Навоий номидаги Cinema Palaсe кинотеатрида “Зукколар давраси” масъулияти чекланган жамияти томонидан  “Фараҳбахш лаҳзалар” номли кичик ҳайрия концерти бўлиб ўтди.

Ушбу дастурда 1991 – 2015 йиллар мобайнида намойиш этилган ўзбек кинофильмларига куйланган саундтреклар ижро этилди.  Хонандалар томонидан куйланган энг яхши саундтреклар “Энг яхши саундтрек” номинацияси бўйича диплом ва махсус эсдалик совғаларига лойиқ топилди. 

Азим Муллахонов “Шайтанат” -  “Шайтанат”, 
Анвар Ғаниев “Узук кўзи” - “Илтижо” сериали, 
Анвар Собиров  “Жийда гули” - “Жийда гули”, 
Самандар Ҳамроқулов  “Муҳаббат синовлари” - “Азизим”, 
Ёдгор Мирзажонов “Юрагим сеники” фильми “Юрагингни бер”, 
Отабек Муталхўжаев “Ёлғон дунё” - “Юлдуз”, 
Дилноза Исмияминова “Мафтунингман” - “Дўппи тикдим”,
Ҳилола Ҳамидова “Кўз ёшим” - “Алла”, 
Рухшона “Замонавий совчилар” - “Замонавий совчилар” ,
 Масрур Усмонов  “Лафзи ҳалоллар”  - “Бардош”.

Мазкур саундтреклар бевосита мухлислар томонидан энг яхши дея баҳоланиб, ҳайъат аъзолари вазифасини мухлислар бажарди.


Азим Муллахонов: - Шунча йиллар ўтиб “Шайтанат” фильмига куйланган “Шайтанат” саундтреки мухлислар томонидан энг яхши, деб топилишини кутмаган эдим. Ушбу саундтрек илк маротаба куйланганида ҳам кўплаб мухлислар қалбидан жой олган эди. Албатта, камтарона ижодимга бўлган эътибордан хурсанд бўлдим. 

Ҳилола Ҳамидова: - Мен “Кўз ёшим” фильми учун куйлаган “Алла” саундтрекини ижро этдим. Хайрия дастурида барча санъаткорларни тақдирлашда тенг кўрилгани менга маъқул бўлди. Шу каби тадбирларнинг  тез-тез ўтказилиб туришининг тарафдориман. Бу ижодкорга илҳом беради. 

Самандар Ҳамроқулов: - Мен ушбу кичик концерт дастурида “Муҳаббат синовлари” фильми учун куйланган “Азизим” номли саундтрекни ижро этдим ва бу мухлислар томонидан “энг яхши” дея баҳоланди. Ҳар бир ижодкор яратган ижод намунасининг яхши кутиб олинишидан, муносиб тақдирланишидан кўнгли  тоғдек кўтарилади. Шу фурсатдан фойдаланиб, мен ҳам “Фараҳбахш лаҳзалар” кичик хайрия концерт дастурини уюштирган ташкилотчиларга ўз миннатдорчилигимни билдириб қоламан. 

“Фараҳбахш лаҳзалар” номли ҳайрия концертининг навбатдаги ва охирги босқичи 2016 йил охирида бўлиб ўтади.

Моҳичеҳра Эшмирзаева

Кун янгиликлари
Абитуриент ҳикояси: “Мен ўқув маркази томонидан алдандим”
10:34 26316 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 41372 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 156091 Жамият
Кун.uz офис изламоқда
15:48 / 06.08.2017 44433 Lifestyle
«Уэмбли»даги тарихий учрашувда «Челси» ғалаба қозонди
22:20 106 Спорт
Озарбойжонлик дизайнер ўзбек хон-атласи ва шойиларини жаҳон подиумларига олиб чиқмоқчи
21:53 868 Жамият
Қатар Саудия Арабистонидан ҳаж зиёратчилари учун юборилган самолётларни ўз ҳудудига қўймади
21:48 2162 Жаҳон
Ҳиндистонда 70 минг долларлик бриллиантларни эгасига қайтарган ўсмир муносиб тақдирланди
21:31 2100 Жамият
АПЛ. «Ҳаддерсфилд» яна ғалаба қозонди
21:09 1465 Спорт
Японияда 74 ёшли альпинист ёрдам кутган ҳолда бир ҳафта шоколад билангина жон сақлади
21:07 1287 Жамият
Кўпроқ янгиликлар