Халқаро ўқ отиш федерацияси президентининг қарорига кўра, ўқ отиш бўйича Ўзбекистон терма жамоаси аъзоси Вадим Скороваров 2016 йилнинг 5–21 август кунлари Бразилиянинг Рио-де-Жанейро шаҳрида ўтказиладиган XXXI ёзги Олимпиада ўйинларида қатнашиш ҳуқуқини берувчи йўлланмага эга бўлди. Бу ҳақда Ўзбекистон Миллий олимпия қўмитаси матбуот хизмати хабар бермоқда.

Вадим Скороваров Кувайт ҳамда Ҳиндистонда бўлиб ўтган ҳамда Олимпиада ўйинларининг йўлланмалари ўйналган Осиё саралаш мусобақаларида иштирок этиб, ВП-6 (пневматик милтиқ) машқида юқори натижаларни қўлга киритган эди. Шу сабаб, Халқаро ўқ отиш федерацияси Вадим Скороваровга Олимпиада ўйинларида қатнашиш ҳуқуқини берувчи йўлланмани тақдим этишга қарор қилган.

Эслатиб ўтамиз, Олимпиада ўйинларига борадиган ўзбекистонлик спортчилар сони 56 нафарга етди.