Ўзбек миллий эстрада қўшиқчилиги санъати “примадонна”си Юлдуз Усмонованинг 2014 йил мусиқий альбомидан ўрин олган “Эҳ кўчалар” номли қўшиғига 9999 студияси жамоаси томонидан клип суратга олинди. 

Қўшиқ ва клип ғояси бу дунёнинг қайтар дунё эканлиги, мол-дунё ва бошқа ҳою-ҳавасларнинг ўткинчилиги, енгил ва қинғир йўллар орқали топилган луқманинг инсонга татимаслиги ҳақидаги таассуротларни уйғотиб, меҳр-оқибатли ва ҳалол инсон бўлиб яшашга чорлайди. 

Примадоннанинг имижи, мимикалари ва бетакрор рақслари клип мазмунига хос ифодаланган.

Бир сўз билан айтганда қўшиқ ва унга суратга олинган клип ўзида бир қанча ижобий маъноларни ифодалаб, тингловчини мушоҳадага чорлайди, маънавий озуқа беради.

Клипни биринчилардан бўлиб kun.uz сайтининг youtube’даги канали орқали томоша қилиш мумкин.