Қимматбаҳо тошлар нархи бўйича янги рекорд Женевада, Christie's аукционида ўрнатилди. “Оппенгеймер мовий бриллианти” номли қайта ишланган олмос 56,837 миллион Швейцария франкка (57,6 миллион доллар) сотилди. Бу ҳақда Reuters хабар қилди. 

Ушбу 14,62 каратли (бир карат тахминан 0,2 граммга тенг) тош шу пайтга қадар ким ошди савдосига қўйилган қимматбаҳо буюмлар ичида энг йирик ёрқин-мовий бриллиант ҳисобланади. Тўғрибурчакли шаклдаги бриллиант узукка кўз сифати тақдим этилди. У узоқ йиллар давомида De Beers номли дунёдаги энг катта олмос қазиб олиш компаниясини бошқарган Филип Оппенгеймер номи билан аталди. 

Сешанба куни Sotheby's савдо уйида камёб турли ноксимон шаклдаги “Ноёб пушти” (Unique Pink) номли бриллиант 30,8 миллион Швейцария франкига (31,46 миллион доллар) сотилганди. Бу пуштиранг бриллиантлар нархида ўрнатилган бўлди. 

Шу пайтга қадар дунёдаги энг қимматбаҳо тош деб 12,03 каратли “Мовий Ой” номли бриллиант ҳисобланган. Ўтган йилнинг ноябрда у Женева ким ошди савдосида 48,5 миллион долларга ҳонгконглик миллиардер Жозеф Лау томонидан сотиб олинган. У тошни 7 ёшли қизининг туғилган кунига совға қилган ва фарзандининг шарафига олмосни “Жозефинанинг Мовий Ойи” деб қайта номлаган.