Япония ҳукумати, 2020 йилдан ҳайдовчисиз таксиларга рухсат бериш бўйича қарор қабул қилди, деб хабар қилмоқда NHK телекомпанияси.

Бошқарувчи ва ишлаб чиқарувчи компаниялар томонидан бир нечта шартлар бажарилган тақдирда, ҳайдовчи талаб қилинмайдиган ва ўзи бошқариладиган таксилардан 2020 йили бўлиб ўтадиган ёзги Олимпиада ва Паралимпия ўйинларида фойдаланиш мумкин бўлади. 

Хусусан, шундай такси иштирокида содир этилган ЙТҲ учун жавобгарликка транспорт компанияси масъул бўлиши лозим. Бундан ташқари, бу каби таксилар йўналишга риоя этиши ва зарур бўлган ҳолларда уни тўхтатиш имконини берувчи масофадан бошқариш тизими билан жиҳозланиши шарт. 

Ҳукумат мамлакат қонунчилигига зарурий ўзгартиришлар киритиш ва бундай таксилар синовини тезлаштиришга туртки бериш ниятида.