Соғлом она ва бола йилида Фарғона вилоятида 31 мингдан ортиқ   ўқувчи ёзги таътил кунларини оромгоҳларда мазмунли ва мароқли ўтказади. Бу ҳақда “ЎзА” хабар бермоқда.

Жорий мавсумда вилоятнинг шаҳардан ташқарида жойлашган 19 оромгоҳида 12 минг, таълим муассасалари қошида ташкил этиладиган 107 кундузги болалар оромгоҳида 19 мингдан ортиқ ўқувчининг дам олиши режалаштирилган.

Қувасой шаҳридаги “Кимёгар” оромгоҳида капитал таъмирлаш ишлари ниҳоясига етказилаётир. Болаларнинг мароқли дам олиши учун барча шароит яратилмоқда. Фарғона тумани Ёшларобод қишлоғи ҳамда Олтиариқ тумани Қапчуғай қишлоғидаги оромгоҳлар ҳам жорий таъмирдан чиқарилаётир. Қўқон ва Марғилон шаҳарларидаги Меҳрибонлик уйлари тасарруфидаги “Нафосат”, “Меҳнат-роҳат”, Қувасой шаҳридаги “Ниҳол”, “Роҳат”, Қўқон шаҳридаги “Коинот”, Фарғона тумани Хонқиз қишлоғидаги “Тонг” оромгоҳлари мавсумга шай ҳолатга келтирилди.