Япония ҳукумати яқин беш йил давомида суриялик 150 нафар талабани ўқишга қабул қилиш ҳақида қарор чиқарди. Бу ҳақида Киодо ахборот агентлиги маълум қилди. 
Бу чора Яқин Шарқда қочоқлар муаммосини ҳал этишда Япониянинг иштирокини кенгайтиришга қаратилган, дея таъкидланмоқда. Таълим дастурлари давлат фондлари, шунингдек, Япон халқаро ҳамкорлик агентлиги (JICA) амалга ошираётган ҳамкорлик лойиҳалари ёрдамида ташкил этилади.

Аввал Токионинг роли Суриядан жуда кўплаб қочоқларни қабул қилиб олаётган Иордания, Ливан ва Туркияга молиявий кўмак беришдангина иборат эди. 2015 йилнинг 29 сентябрида БМТ Бош Ассамблеясида иштирок этган бош вазир Токио Сурия ва Ироқ қочоқлари учун 810 миллион ёрдам пули ажратишини маълум қилган. Кейинроқ ТИВ яна 355 миллион доллар ажратиш режалаштирилганини билдирган. 

NHK телеканали Япония вакилларининг Сурияни қўллаб-қувватловчи халқаро гуруҳ фаолиятида иштирок этишга таклиф қилингани тўғрисида хабар берган. Шундан сўнг, "мамлакат Сурияда тинчлик қарор топишига эришиш йўлида фаолроқ иштирок этишига тўғри келиши" таъкидланган.