Пойтахтимиздаги Ўзбекистон спорт саройи илк маротаба бокс бўйича катта нуфузга эга бўлган профессионал рейтинг жангларига мезбонлик қилади.

Ўзбекистон профессионал бокс федерацияси, Маданият ва спорт ишлари вазирлиги, Ўзбекистон миллий олимпия қўмитаси, Ички ишлар вазирлиги, Россиянинг “Боевые перчатки” бокс клуби шунингдек “Файзул Мунаввар С/К”, “Уз файт” клуби хамкорликда ташкил этилаётган ушбу жанглар 4, 6, 8 ва 10 раунддан иборат бўлиб  6та вазн тоифасида  ўтказилади. Жумладан:

1. Бобожонов Комилжон (UZB) — Индер Пал (IND) /66 кг, 4 раунд/

2. Ҳусниддин Пўлатов (UZB) — Жабраил Музаев (RUS) /72 кг, 4 раунд/

3. Ҳоким Каримов (UZB) — Арти Устарханов (RUS) /76 кг, 6 раунд /

4. Авазбек Абиджанов (UZB) — Гегам Мкртчян (ARM) /66 кг, 6 раунд /

5. Отабек Ибрагимов (UZB) — Аброр  Орипов (UZB) /76 кг, 6 раунд/

6. Александр Котов (UZB) —  Бахром Паёзов (KAZ) /63,5 кг, 8 раунд/

7. Арти Давтаев (UZB) — Талгат Досанов (KAZ) /91 кг, 10 раунд/

8. Феруз Юлдашев (UZB) — Мукеш Кумар (IND) /59 кг, 8 раунд/

9. Бегзод  Набиев (UZB) — Георги Капариа (GEO) /66,7 кг, 10 раунд/

Мазкур турнирда Сидней олимпиадаси олтин медали соҳиби,халқаро тоифадаги спорт устаси Муҳаммадқодир Абдуллаев эстафетани ёш чарм қўл қоп усталарига топширади. Жанглар 28 май куни, соат 19:00да бошланади.