Миср мудофаа вазири “фейсбук”даги ўз саҳифасида Париждан Қоҳирага йўл олган ва сўнгра Ўрта Ер денгизи устида радарлардан йўқолиб қолган EgyptAir авиакомпанияси A320 самолётининг бўлаклари тасвирланган фотосуратларни жойлаштирди.

Суратларда EgyptAir авиакомпаниясининг логотипларига гувоҳ бўлиш мумкин. Шунингдек, йўловчиларнинг буюмлари ва қутқарув нимчаси ҳам тасвирланган фотосуратлар жойлаштирилган.

Аввалроқ, француз экспертлари ОАВда самолёт бортида тутун пайдо бўлганлиги ҳақидаги маълумотларни тасдиқлашган эди.