Ўзбекистон Республикаси Маданият ва спорт ишлари вазирлиги ташаббуси билан “Камолот” ЁИҲ ҳамда Ёшлар маданият ва санъат маркази, “Ўзбекнаво” эстрада бирлашмаси билан ҳамкорликда Фарғона вилоятида “Биз буюк юрт фарзандларимиз” ёшлар фестивали ўтказилаётгани ҳақида бир оз аввал хабар берган эдик.

Ушбу санъаткорлар қаторида хонанда Тоҳир Усмонов ҳам Instagram’даги саҳифаси орқали кичик бир видеолавҳани жойлаштириб, остига “Фарғоналик Зулфияхоним издошлари” дея изоҳ битган. 

Видеолавҳада Фарғона вилояти Қува туманидаги 64-умумтаълим мактабининг 4“А” синф ўқувчиси Маҳсума Абдулаҳадова  Ўзбекистон Республикаси Президенти Ислом Каримовга атаб ёзган шеърини мадҳ этган.

Жажи беғубор қалб эгаси Маҳсума Абдулаҳадова ўқиган шеърни эътиборингизга ҳавола этмоқдамиз. 

“Меҳмон бўлиб келинг қишлоғимизга,
Бир пиёла чой устида суҳбат қурамиз.
Тинч, осуда ҳаёт қуриб бергансиз.
Келажак ҳақида ўйлар сурамиз. 

Сочингиз оқига ҳавасим келди,
Алмашгум сочимнинг толаларини.
Бизни деб кўзингиз нурлари кетди
Берсайдим кўзимнинг қораларини. 

Бутун бир дунёга ҳали кўрасиз,
Ўзбекнинг кимлигин эслатиб қўяй.
Ўшал Амриқою Европаликни,
Лол бўлиб ёқасин тутганда кўрай. 

Ҳали катта бўлай, Ислом бобожон,
Сиз учун атайлаб достон битаман.
Кашталаб бу байтни ажиб матога.
Юз ёшингизда сизга ҳадя этаман”.