Италиялик футбол мураббийи Клаудио Раньери жорий мавсумда ўзи бошқарадиган "Лестер" Англия чемпиони бўлгандан кейин Италия ҳукумати томонидан муносиб баҳоланди.

АПЛнинг энг яхши мураббийи бўлган 64 ёшли мутахассис 3 даражали "Италия республикаси олдидаги хизматлари учун" ордени билан тақдирланди.

Ранери футболчи сифатида "Рома", "Катандзаро" ва "Палермо"да тўп сурган. Италияда у ""Кальяри", "Наполи", "Фиорентина", "Ювентус", "Рома" ва "Интер"га мураббийлик қилган.