Ҳар йили баҳорда Хитой Халқ Республикасининг кўплаб университетларида Халқаро маданият куни кенг нишонланади. Бундай тадбирлардан кўзланган асосий мақсад ёшларни ҳамжиҳатликка чорлаб, маданиятлараро алоқани йўлга қўйишдир.

22 май куни Пекин шаҳридаги Жонгянг Минцу университетида ҳам шундай тадбир бўлиб ўтди. Тадбирда ўзбекистонлик талабалар, ўқитувчилар фаол иштирок этди. Улар намойиш этган йигитлар рақси барчанинг олқишини қозонди. Шунингдек, тайёрланган ўзбек миллий таомлари ош, сомса, қозон кабоб каби таомлар ҳам ташриф буюрганларнинг кўнглидан жой олиб, ўзбек миллий таомларига нисбатан қизиқиш уйғотди.