Туркия ўз фуқаролари ўзларини тўлиқ хавфсизликда ҳис қилмагунларича террорчиликка қарши курашни давом эттиради. Бу ҳақда Адолат ва тараққиёт партияси раисига номзод Биноли Йилдирим партиянинг шошилинч қурултойида айтиб ўтди.

"Аксилтеррорчилик операциялари қачон тугайди деб сўрайдилар. Айтишим мумкин, операциялар халқимизнинг тўлиқ хавфсизлиги таъминланмагунча давом этади. Бизнинг фуқароларга қарши ҳужумлар тугамагунча", деб айтди Йилдирим. 

Йилдирим миллатни хавотирланмасликка чақирди, чунки Туркия террорчилик хавфидан халос бўлади. Унинг айтишича, Туркия "нафақат айирмачи террорчилик ташкилоти (Курдистон ишчи партияси назарда тутилмоқда), балки ИШИД жангарилари билан ҳам курашмоқда.