Россия бош вазири Дмитрий Медведев АҚШ сайловларини “маскарадчилар” иштирок этадиган “шоу” деб атади. Бу ҳақда ТАСС хабар қилди. 

“Единая Россия” праймеризлари ўтказилишига изоҳ берар экан: “АҚШдаги сайлов - ниқоб кийганлар томошаси, биз ишонмаймиз, бу шоу, қайсидир маънода аслида ҳам шундай”, - деди Медведев. Унингча, бундай томоша Россияда ўтмаган бўларди. 

“Бизнинг сайлов олди овоз бериш тартибимиз бошқача бўлиши лозим – бу мавжуд муаммолар хусусида, уларни ҳал этиш йўллари тўғрисидаги манфаатли, жиддий мақсадли суҳбат”, - дея қўшимча қилди Медведев.